Emeli intellekti bolan çat-bot dört ýaşyndan bäri dowamly agyrydan ejir çekýän, ýöremekde kynçylyk çekýän we özüne erk edip bilmezden duýgusyny üýtgedýän çaga dogry diagnoz goýmaga kömek etdi. Oglanjygy 17 lukman gözden geçirdi, ýöne olaryň hiç biri-de simptomlaryna esaslanyp, dogry diagnozyny kesgitläp bilmedi.
Ýedi ýaşly Aleksiň ejesiniň aýdyşy ýaly, ol üç ýyllap ogluna kömek etjek boldy we bu döwürde ortopedden diş lukmanyna çenli 17 dürli lukmana ýüz tutup gördi. Şeýle-de bolsa, olaryň hiç biri oglanjygyň nämeden ejir çekýändigini anyklap, zerur bejergini berip bilmediler.
Netijede, aýal lukmanlaryň işinden lapykeç boldy we çat-bot ulanmagy ýüregine düwdi. Ol oglunyň simptomlaryny we synagyň netijelerini neýroulgamyň ýörite bölümine ýazdy, muňa bolsa neýroulgam örän seýrek duş gelýän diagnozy – fiksirlenen oňurga ýiligi sindromy bilen oňurganyň bifidasy keselini kesgitledi.
Aýal neýrohirurglara alnan maglumatlary berdi. Hünärmenler emeli intellektiň netijeleri bilen razylaşdylar we Aleksi operasiýa etdiler. Häzirki wagtda çaga hünärmenleriň gözegçiligi astynda bejergi alýar we saglygyny dikeldýär diýip, Daily Mail habar berýär.
