Nebiti eksport ediji ýurtlaryň guramasy (OPEK+) global ykdysadyýetiň "durnukly" ösüşi netijesinde 2023-nji we 2024-nji ýyllarda dünýäde nebite bolan islegiň ýokarlanjakdygyny çaklaýar. Bu barada Sinhua agentligine salgylanyp, forbes.kz habar berýär.
Sişenbe güni neşir edilen sentýabr aýy üçin nebit bazary boýunça aýlyk hasabatda OPEK, çaklamalara görä, nebite bolan global islegiň 2023-nji ýylda günde 2,44 mln barrel we indiki ýyl günde 2,25 mln barrel ýokarlanjakdygyny görkezdi.
Bu şu ýyl ýyllyk ösüşiň 2,45% we 2024-nji ýylda 2,2% boljakdygyny aňladýar. Geçen aý bilen deňeşdirilende çaklamalar üýtgemedi.
Gurama şu ýyl günde 102,1 mln barrele ýetmegine garaşylýan global nebit isleginiň COVID-19 pandemiýasyndan öňki derejeden ýokary boljakdygyny belledi.
Sentýabr hasabatynda OPEK global ykdysady ösüş boýunça öňki çaklamalaryny saklady: 2023-nji ýylda 2,7% we 2024-nji ýylda 2,6%.
