Norwegiýaly ýeňil atletikaçy Ýakob Ingebrigtsen Brýusselde geçen Göwher liganyň tapgyrynda iki müň metr aralyga ylgamak boýunça ýaryşda täze dünýä rekordyny goýdy.
Türgen aralygy 4 minut 43,13 sekuntda geçdi. Öňki rekordy 1999-njy ýylda marokkoly Hişam el-Gerruž goýupdy. Ol iki müň metr aralygy 4 minut 44,79 sekuntda geçipdi.
Ýakob Ingebrigtsen 1,5 müň metr aralyga ylgamakda tapawutlanan 22 ýaşly Olimpiýa çempiony. Şeýle hem, ol bäş müň metr aralyga ylgamakda iki gezek dünýäniň çempiony we dört gezek Ýewropanyň çempiony boldy. Mundan başga-da, onuň hasabynda dünýä çempionatynda alan iki kümüş medaly bar.
