Daşary ýurt raýatlary we kompaniýalary azyndan 350 000 dollar maýa goýum bilen "altyn wiza" alyp bilerler. Wizanyň şeýle görnüşi bilen ýurtda ýaşamaga berilýän rugsadyň möhleti 10 ýyla çenli artar.
Migrasiýa gullugynyň baş müdiri Silmi Karim ýurduň ykdysadyýetini höweslendirmek maksady bilen, Indoneziýanyň aýry-aýry maýadarlar üçin "altyn wizalar" ulgamyny döredendigini aýtdy. Bäş ýyllyk wiza almak üçin maýa goýujylar 2,5 million dollarlyk kompaniýany döretmeli bolarlar, 10 ýyllyk wiza bolsa 5 million dollar maýa goýumyny talap eder.
Korporatiw maýadarlar 25 million dollardan 50 million dollar aralygynda maýa goýum goýanlarynda Indoneziýada bäş ýyldan 10 ýyla çenli ýaşap bilerler. Ýurtda iş açmak islemeýän daşary ýurt maýadarlary üçin başga şertler hem ulanylýar.
Bäş ýyllyk wiza almak üçin olar Indoneziýanyň ykdysadyýetine 350 000 dollar goýmaly. Munuň üçin döwlet obligasiýalaryny ýa bolmasa jemgyýetçilik kompaniýalarynyň paýnamalaryny satyn almaly, ýa-da ýurduň banklarynda süýşürintgi goýumlary açmaly. Iş açmak niýeti bolmazdan, 10 ýyllyk wiza almak isleýän daşary ýurt raýaty ykdysadyýete 700 000 dollar maýa goýmaly bolar.
