«Red Bull» toparynda çykyş edýän niderlandly sürüji Maks Werstappen yzly-yzyna onunjy ýeňşini gazanyp,«Formula-1-iň» rekordyny goýdy.
Westappen Monsa şäherinde geçirilen Italiýanyň Gran Pri-sinde ýeňiji bolup, rekord goýdy. Ikinji orny «Red Bull-yň» sürüjisi Serhio Peres eýeledi. «Ferrari-den» Karlos Saýns ilkinji üçlügi tamamlady.
Werstappen yzly-yzyna ýeňişleriň sany boýunça 2013-nji ýylda yzly-yzyna dokuz gezek Gran Pri-ni gazanan Sebastýan Fettelden öňe geçdi.
«Red Bull» öňki rekordyny täzeläp, yzly-yzyna 15 Gran Pri gazandy.
Werstappen öň «Forbes» žurnalynyň dünýäde iň köp girdeji gazanan 25 ýaşa ýetmedik bäş türgeniň sanawynda üçünji orny eýeläpdi. Neşiriň habar bermegine görä, 25 ýaşly sürüji türgen ýylda 60 million dollar gazanýar.
