1-nji sentýabrda Türkmenistanyň Halk Maslahatynyň Başlygy Gurbanguly Berdimuhamedow ýurdumyza gelen Ýewraziýa Atly sport assosiasiýasynyň prezidenti M.Seçina bilen duşuşdy.
Iri sport guramasynyň ýolbaşçysy Aba Annaýew adyndaky Halkara atçylyk akademiýasynyň enjamlaşdyrylyşy, onda bilim almak, türgenleşik geçmek üçin döredilen şertlere ýokary baha berdi.
Duşuşygyň barşynda Russiýanyň Atly sport federasiýasy bilen türkmen atşynaslarynyň hyzmatdaşlygyny ýola goýmagyň maksadalaýyk boljakdygy bellenildi we Türkmenistan bu ugurda öňe sürülýän başlangyçlary goldamaga taýýardyr.
Ýewraziýa Atly sport assosiasiýasynyň prezidenti Marina Seçina sebitde atçylyk we atly sport boýunça ýokary hünärmenleri taýýarlaýan ilkinji halkara akademiýasy bolan Aba Annaýew adyndaky Halkara atçylyk akademiýasynyň Türkmenistanda döredilendigi üçin Ýewraziýa Atly sport assosiasiýasynyň Hormat şahadatnamasyny gowşurmagyň özi üçin uly hormatdygyny nygtady.
