Türkiýäniň Medeniýet we syýahatçylyk ministrliginiň maglumatlaryna görä, şu ýylyň ýedi aýynda Türkiýä baran 26 mln 766 müň 240 syýahatçy daşary ýurtly, 3 mln 327 müň 206 syýahatçy bolsa daşary ýurtlarda ýaşaýan raýatlardy. Ýanwar – iýul aýlarynda Türkiýä gelen daşary ýurtlularyň sany geçen ýylyň degişli döwri bilen deňeşdirilende, 16,22% artdy. Bu barada Anadolu agentligi habar berýär.
Ýurduň myhmanlarynyň köpüsi, esasan, Russiýa Federasiýasyndan geldi. Bu ýurtdan baranlaryň sany geçen ýylyň degişli döwri bilen deňeşdirilende, 59,22% artyp, 3 mln 498 müň 614 adam boldy. Ikinji orny Germaniýa, üçünji orny Angliýa eýeleýär. Bu ýurtlaryň yzyndan Bolgariýa we Eýran gelýär.
Bu döwürde Türkiýä 30 mln 93 müň 446 syýahatçy bardy, bu hem 2019-njy ýyldaky 26 mln 524 müň adam görkezijisinden geçip, täze rekord goýdy. Iýul aýynda ýurda 7,1 mln daşary ýurtly geldi.
Iýul aýynda daşary ýurtly syýahatçylaryň sany geçen ýylyň degişli aýy bilen deňeşdirilende 7,25 ýokarlanyp, 7 mln 148 müň 44 adam boldy. Iýul aýynda syýahatçylaryň sany boýunça, ýurtlaryň reýtinginde birinji orny Germaniýa eýeledi. Ikinji orny Russiýa Federasiýasy, üçünji orny Angliýa eýeledi. Bäşligi Polşa we Bolgariýa jemleýär.
