Indoneziýada geçirilen «GIIAS 2023» awtoulag sergisinde «Chery» kompaniýasynyň «Omoda 5 EV» elektrik krossoweri tanyşdyryldy. Bu barada gazeta.ru «Hytaý awtoulaglary» portalyna salgylanyp habar berýär.
«Omoda 5 EV-iň» dizaýny şu ýylyň ýazynda Şanhaýda geçirilen awtoulag sergisinde ilkinji gezek tanyşdyrylan kysyma gabat gelýär. Awtoulag 221 at güýji bolan elektrik hereketlendirijisi bilen hereket edýär. Awtoulag sagatda 100 km/sagat tizlige 7,8 sekuntda ýetmäge, batareýanyň doly zarýadynda iň uzak 450 km aralygy geçmäge ukyplydyr. Çalt zarýad beriş portunyň bolmagy akkumulýatory 35 minutda 30% -den 80% -e çenli doldurmaga mümkinçilik berýär.
Täze elektrik awtoulagy özünde sanly gural panelini we multimediýa ekranyny jemleýän 24,6 dýuýmlyk egri ekran, salonyň yşyklandyryş ulgamy, sürüjiniň ýagdaýyna gözegçilik ulgamy, «Qualcomm Snapdragon 8155» prosessory we ulagyň batareýasyndan hojalyk tehnikalary ýaly beýleki enjamlary işletmäge mümkinçilik berýän «V2L» ulgamy bilen üpjün edilendir.
