ABŞ-nyň prezidenti Jo Baýden Merkezi Aziýanyň döwlet Baştutanlaryny sentýabryň ikinji ýarymynda geçiriljek C5 + 1 görnüşindäki ilkinji sammite çagyrdy. Bu barada Baýdeniň Özbegistanyň Prezidenti Şawkat Mirziýoýewa ýazan hatynda aýdylýar.
“19-njy ýa-da 20-nji sentýabrda meniň we beýleki ýolbaşçylaryň arasynda C5 + 1 formatynda geçiriljek resmi ýygnaga goşulyp, howpsuzlyk, ykdysadyýet we daşky gurşawy goramak boýunça umumy maksatlarymyzy mundan beýläk-de nähili ösdürmelidigimizi ara alyp maslahatlaşarsyňyz diýip umyt edýärin” – diýip, Uzdaily ABŞ-nyň prezidentiniň çakylygynyň sözlerini getirýär.
Merkezi Aziýanyň we Amerikanyň Birleşen Ştatlarynyň prezidentleriniň duşuşygy (CA5 + 1) BMG-niň Baş Assambleýasynyň çäginde meýilleşdirilýär diýip hatda takyklanýar.
