Hytaý Ýaponiýadan öňe geçip, ýylyň ahyryna çenli dünýäniň iň uly awtoulag eksportçysy bolar diýip, Moody’s Analytics agentligi habar berýär. Muny runews24.ru ýetirýär.
Ikinji çärýegiň ahyryna çenli Hytaý bilen Ýaponiýanyň eksportynyň arasyndaky tapawut aýda 70 müň awtoulaga çenli azaldy, bir ýyl ozal bu tapawut 171 000 awtoulaga deňdi. 2021-nji ýylda Hytaý üpjünçiligiň göwrümi boýunça Günorta Koreýadan öňe geçdi, geçen ýyl bolsa Germaniýadan öňe geçip, ikinji uly eksportçy boldy.
HHR-den awtoulag eksporty elektrokarlara bolan islegiň artmagy netijesinde pandemiýadan öňki görkezijilerden ýokary boldy. 2023-nji ýylyň birinji ýarymynda Hytaýyň girdejisi geçen ýyl bilen deňeşdirilende iki esse ýokarlandy. Hytaýyň awtoulag pudagynyň artykmaçlygy elektromobilleri öndürmek üçin çykdajylary azaltmaga mümkinçilik berýän litiý ion akkumulýator batareýalaryny öndürmekdedir.
