Italiýanyň sport awtoulaglaryny öndüriji «Lamborghini» kompaniýasy Kaliforniýada täze konsept ulagyny tanyşdyrar. Bu barada insideevs.com saýty habar berýär.
Täze ulagyň ady gizlin saklanýar. Çeşmede bellenmegine görä, ol 16-njy awgustda geçiriljek dünýäniň iň täze awtoulag nusgalary tanyşdyrylýan «Monterey Car Week» çäresinde ilkinji gezek görkeziler. Häzirlikçe, bu elektrikli konsept ulagyň keşbi we hereketlendirijisiniň aýratynlyklary mälim edilmedi.
Kompaniýanyň baş direktory Stefan Winkelmannyň bellemegine görä, täze elektrikli «Lamborghini-niň» binýadynda «Volkswagen Group» tarapyndan işlenilip düzülen platforma ornaşdyrylar. Bu ulgam geljekde «Bentley» we «Porsche» ulaglarynda hem peýdalanylar.
