2023-nji ýylyň iýuly Ýer ýüzünde howa gözgeçilikleriň taryhynda iň yssy aýyň rekordyny täzeledi. Bu aý şu wagta çenli şeýle rekordy goýan 2019-njy ýylyň iýul aýyndan 0,33° C yssy boldy. Bu barada sişenbe güni Ýewropanyň howanyň üýtgemegine gözegçilik edýän Copernicus gullugy habar berdi.
Geçen aý 1991-2020-nji ýyllaryň iýul aýynyň ortaça derejesinden 0,72° C yssy boldy.
Ondanam has aňyrrakky ýyllara göz aýlasak, hünärmenleriň baha bermegine görä, üstümizdäki ýylyň yssy iýuly 1850-1900-nji ýyllaryňkydan ortaça 1,5° C yssy bolupdyr.
Demirgazyk ýarym şaryň köp sebitinde, şol sanda günorta Ýewropada ýylylyk tolkunlary ýüze çykypdyr diýip, Copernicus belleýär.
Günorta Amerikanyň we Antarktidanyň köp ýurtlarynda howanyň temperaturasy ortaça derejeden has ýokary boldy.
