«Çandraýan-3» hindi awtomatiki Aý stansiýasy Aý bilen aralygyň üçden iki bölegini geçdi we 5-nji awgust agşam Aýyň orbitasyna girdi. Bu barada Hindi kosmos gözleg guramasy (ISRO) habar berdi.
"Kosmos gämisi Aýa çenli aralygyň üçden iki bölegini geçdi. 2023-nji ýylyň 5-nji awgustynda, Hindistanyň wagty bilen sagat 19:00-da Aýyň orbitasyna girmek (LOI) meýilleşdirilýär" – diýip, ISRO-nyň X (öňki Twitter) sosial ulgamynda ýerleşdirilen habarynda aýdylýar.
Ondan öň kosmos gämisi Ýeriň töweregine aýlanmagy üstünlikli tamamlap, Aýyň orbitasyna girdi.
«Çandraýan-3» Aý missiýasy 14-nji iýulda başlandy. 23-24-nji awgustda onuň Ýeriň hemrasyna gonmagyna garaşylýar. Bu missiýa üstünlikli dowam etse, Hindistan Aýda kosmos gämisini gonduran dördünji ýurt bolar (SSSR-den, ABŞ-dan we Hytaýdan soň).
