30-njy iýulda ABŞ-nyň Milli aeronawtika we kosmos giňişliginiň barlaglary dolandyryş gullugy (NASA) we Hindi kosmos barlaglary guramasy (ISRO) tarapyndan işlenip düzülen NISAR Ýere gözegçilik hemrasyny (NASA-ISRO Synthetic Aperture Radar) uçurmak meýilleşdirilýär.
Enjam L- we S-diapazonly radarlar bilen enjamlaşdyrylan dünýäde ilkinji hemra bolar. Ol 5-10 metr durulykda ýer we buz massiwleriniň relýefini kartalaşdyrar.
NISAR gury ýeri we buzluklary her 12 günden iki gezek diýen ýaly skanirlemäge ukyply. Bu oňa ekoulgamlardaky üýtgeşmeleri, buz gatlaklarynyň we deňiz buzlarynyň galňaýşyny we ereýşini, şeýle hem ýer gabygynyň tektoniki deformasiýalaryny yzarlamaga mümkinçilik berer.
Hemra tarapyndan toplanan maglumatlar oba hojalygyna we infrastruktura gözegçilik etmek, şeýle hem tebigy betbagtçylyklara çalt garşy durmak üçin ulanmak meýilleşdirilýär.
Enjamy döretmegiň bahasy takmynan 1,5 milliard dollar bolup, bu ony Ýeri uzak aralykdan synlamagyň iň gymmat hemralaryň birine öwürýär.
