4-nji awgustda irden Täjigistanyň Prezidenti Emomali Rahmon Türkmenistanyň Täjigistanyň we Özbegistanyň Prezidentleriniň üçtaraplaýyn sammitine gatnaşmak üçin Aşgabada geldi.
Täjigistanyň Prezidentiniň ýanyndaky wekiliýete daşary işler ministri Sirožiddin Muhriddin, daşary ýurt aragatnaşyklary boýunça prezidentiň kömekçisi we beýleki resmi adamlar girdi.
Aşgabadyň Halkara howa menzilinde belent mertebeli myhman mähirli garşylandy. Bu ýerde üç ýurduň Döwlet baýdaklary galdyryldy we Hormat garawuly nyzama düzüldi. Myhmansöýerligiň asylly däplerine görä, Täjigistanyň Liderine duz-çörek hödürlenildi hem-de gül desseleri gowşuryldy.
Türkmenistanyň, Täjigistan Respublikasynyň we Özbegistan Respublikasynyň döwlet Baştutanlarynyň üçtaraplaýyn sammitinde sebit hyzmatdaşlygyny ösdürmegiň möhüm meselelerini ara alyp maslahatlaşmak meýilleşdirilýär.
