Ýaponiýanyň Toyota Motor awtoulag kärhanasy 2023-nji ýylyň birinji ýarymynda 5,6 milliondan gowrak awtoulag öndürdi we bu agzalan döwürde kompaniýa üçin rekord görkeziji boldy.
Konsern öz beýanatynda, 2022-nji ýylyň degişli döwri bilen deňeşdirilende, Daihatsu we Hino ýaly markalary hem öz içine alýan konserniň önümçiliginiň 10,3 göterim ýokarlandygyny belleýär. Neşir edilen maglumatlardan görnüşi ýaly, Toyota (12,1%) markasynda önümçiligiň ep-esli ýokarlanmagy bellendi, Daihatsu we Hino awtoulaglarynyň önümçiligi, 2022-nji ýylyň birinji ýarymy bilen deňeşdirilende, birneme 0,5% we 1,3% azaldy.
Şol bir wagtyň özünde, Toyota Motor-yň görkezilen döwürde Ýaponiýanyň içinde öndürýän umumy önümçiligi 20,6 göterim, daşynda bolsa 4,9 göterim ýokarlandy.
Bütin dünýäde ýapon konserni 2023-nji ýylyň birinji ýarymynda 5,4 milliondan gowrak awtoulag satdy. Şol bir wagtyň özünde awtoulaglaryň köpüsi (4,2 milliondan gowragy) Ýaponiýanyň daşynda satyldy. Dört ýyl bäri ýapon konserniniň bu görkeziji boýunça, ABŞ-nyň we Ýewropanyň konsernlerinden ozduryp, dünýäde birinji orny eýeleýändigini bellemelidiris.
