Miçigan uniwersitetiniň alymlary pyýada ýöremegiň 12 hepdäniň dowamynda ýürek ýetmezçiliginden ejir çekýänleriň saglyk ýagdaýyny gowulandyrmaga ýardam edip biljekdigini ýüze çykardylar. Bu barlagyň netijeleri «JACC: Heart Failure» žurnalynda çap edildi diýip, gazeta.ru habar berýär.
Barlaga ýürek ýetmezçiligi bolan 425 adam gatnaşdy. Alymlar olaryň saglyk ýagdaýyna 100 ball ulgamy boýunça baha berdiler. Ol fiziki çäklendirmeleri, simptomlaryň ýygylygyny, durmuş derejesini we sosial çäklendirmeleri öz içine alýar. Barlaga gatnaşyjynyň bally näçe ýokary bolsa, saglyk ýagdaýy hem şonça gowy diýmekdir.
Barlagyň ahyrynda her günki ädýän ädimleriniň sany 2 müňe golaý köpelen adamlaryň görkezijisi ädimleriniň sany üýtgemedikleriňkä görä 5,2 ball artdy. Ýagny her gün 5 müň ädim ädýän adamlaryň görkezijileri iň gowy derejä eýe boldy, gündelik 2-3 müň ädim ädenleriň hem ballary artmak bilen boldy.
