Tesla kompaniýasy elektrikli Cybertruck pikapy üçin 1,94 milliondan gowrak sargyt aldy. Bu barada köpçülikleýin maglumatlara salgylan Teslarati portaly ýazýar.
Tesla Cybertruck-y bron etmek üçin potensial alyjy öňünden 100 dollar geçirmeli. Şeýlelik bilen, awtoulag öndürijisi öňünden edilen sargytlardan eýýäm 194 million dollardan gowrak pul aldy diýip habarda aýdylýar.
Müşderileriň, elektrikli pikaplaryň gelmegine takmynan 4-5 ýyl garaşmaly boljakdyklaryna garamazdan, Tesla Cybertruck-y sargyt etmeklerini dowam etdirýändikleri bellendi. InsideEVs -iň habaryna görä, amerikan kompaniýasy ýylda 375 000 Cybertruck pikap öndürmegi meýilleşdirýär.
Iýul aýynyň ortalarynda Tesla Cybertruck elektropikapynyň ilkinji köpçülikleýin öndüriljek nusgasyny görkezdi. Deslap, köpçülikleýin awtoulagy 2021-nji ýylda öndürip başlamak meýilleşdirilipdi, ýöne möhletler birnäçe gezek üýtgedildi.
