21-nji iýulda malaýziýaly motosikletli ekspedisiýa Türkmenistana gelip ýetdi. Biziň ýurdumyz olar üçin hasap boýunça 19-njy boldy. Motosürüjiler London — Kuala-Lumpur ugry boýunça hereket edip barýarlar we ýolugrunda ýene-de azyndan 16 döwlete bararlar diýip, ORIENT agentligi New Straits Times malaý gazetine salgylanyp habar berýär.
Malaýziýaly topar eýýäm Beýik Britaniýa, Fransiýa, Şweýsariýa, Italiýa, Germaniýa, Çehiýa, Awstriýa, Wengriýa, Rumyniýa, Bolgariýa, Türkiýä baryp gördüler.
Aşgabada ekspedisiýa Eýrandan geldi.
Ýoluny dowam etmezden öň, motosikletçiler Malaýziýanyň Türkmenistandaky Ilçihanasyna baryp gördüler.
QMEPWK66 diýlip atlandyrylan eskpedisiýanyň alty agzasy 20-nji iýunda Londondan badalga alypdyr. Syýahat 66 gün dowam etmeli we 31-nji awgustda Malaýziýa ýurt Garaşsyzlygynyň 66 ýyllygyna baryp ýetmeli.
Uzynlygy 22 müň km bolan ekspedisiýa Tunku Abdul Rahman Putra Al-Haja bagyşlanýar. Ol 1957-nji ýylda malaý Garaşsyzlyk Jarnamasyny Londondan Kuala-Lumpura getiripdir.
