Şu gün — 24-nji iýulda geçirilen telefon arkaly söhbetdeşlikde Prezident Serdar Berdimuhamedow Özbegistanyň Prezidenti Şawkat Mirziýoýew bilen türkmen-özbek gatnaşyklaryny mundan beýläk hem ösdürmegiň meselelerini maslahatlaşdy. Bu barada özbek Lideriniň Metbugat gullugy habar berýär.
Serdar Berdimuhamedow goňşy döwletiň Baştutanyny doglan güni bilen gutlady hem-de Özbegistanyň doganlyk halkyna saglyk, abadançylyk we üstünlikler arzuw etdi.
Söhbetdeşligiň barşynda özara haryt dolanyşygynyň möçberini artdyrmak, ykdysadyýetiň ileri tutulýan ugurlarynda bilelikdäki taslamalary ilerletmek meselelerine aýratyn üns berildi.
«Şabat — Daşoguz» erkin söwda zolagyny döretmek boýunça bilelikdäki işleriň ilkinji netijeleri uly kanagatlanma bilen bellenildi.
Tmcars-yň öň habar berşi ýaly, Daşoguz welaýatynyň Türkmen-Özbek serhetýaka zolagynda söwda merkezi gurlar. Gurluşyk işlerine 2023-nji ýylyň iýul aýynda başlap, Söwda merkezini 2025-nji ýylyň iýul aýynda ulanmaga doly taýýar edip tabşyrmak bellenildi.
