Threads sosial ulgamyny gündelik işjeň ulanyjylaryň sany 13 million adama çenli azaldy. The Wall Street Journal neşiriniň habaryna görä, 7-nji iýulda hasaba alnan ulanyjylaryň işjeňliginiň iň ýokary derejesinden pese gaçyş 70% boldy.
Mundan başga-da, Threads ulanyjylaryň sosial ulgamda her gün sarp edýän wagtyny çalt ýitirýärler - ulanyjylaryň onlaýnda sarp eden minutlaryň ortaça sany günde 19-dan 4-e çenli azaldy.
Şol bir wagtyň özünde, Twitter özüniň ortaça görkezijilerini saklaýar - sosial ulgama her gün ortaça 30 minudyny sarp edýän 200 million töweregi ulanyjy girýär.
Mark Sukerberg Threads-i 6-njy iýulda işe girizdi. 10-njy iýula çenli sosial ulgamda hasaba alnanlaryň sany 100 milliona ýetdi.
Threads aragatnaşyk programmasy bolup, onda tekst ýazgylaryny iberip, olara baglanyşyklary, suratlary we wideolary goşup bolýar. Twitterdäki ýaly, ýazgylara haladym diýip, teswir berip we beýleki ulanyjylar bilen paýlaşyp bolýar.
