Şu gün, 14-nji iýulda geçirilen giňişleýin Hökümet mejlisiniň dowamynda Prezident Serdar Berdimuhamedow 2023-nji ýylda Türkmenistanyň ýokary okuw mekdeplerine we orta hünär okuw mekdeplerine welaýatlar hem-de Aşgabat şäheri boýunça okuwa kabul etmegiň meýilnamalaryny tassyklamak hakynda Buýruga gol çekdi. Bu barada «Watan» habarlar gepleşiginde aýdyldy.
Resminama laýyklykda Türkmenistanyň ýokary okuw mekdeplerine okuwa kabul etmeklik 2023-nji ýylyň 17 — 30-njy iýuly aralygynda; orta hünär okuw mekdeplerine 17 — 21-nji awgust aralygynda guralar.
2023-nji ýylda ýurdumyzyň ýokary we orta hünär okuw mekdeplerine okuwa kabul etmegiň tertibi ertir — 15-nji iýulda merkezi metbugatda çap ediler.
