Türkmenistanly ýeňil atletikaçy ýekedaban zyňmak boýunça halkara ýaryşda altyn medal aldy

  • 05.07.2023 14:14
  • 27k+

Türkmenistanly ýeňil atletikaçy Mergen Mämmedow 1-2-nji iýulda Gazagystanyň Almaty şäherinde geçirilen halkara ýaryşda ýekedaban zyňmak boýunça altyn medala mynasyp boldy.

Halkara ýaryş meşhur gazak türgeni Gusman Kosanowyň hatyrasyna her ýyl geçirilýär. Onuň «World Athletics Continental Tour» tapgyrynyň senenamasyna girizilýändigini we abraýy boýunça bürünç derejeli ýaryşlaryň biridigini aýtmak gerek. Bu ýaryş şol bir wagtyň özünde Olimpiýa oýunlary — 2024-iň saýlama tapgyrlarynyň biri bolup durýar.
Şeýle bolansoň, halkara ýaryşa Türkmenistandan, Hytaýdan, Hindistandan, Tailanddan, Eýrandan, Täjigistandan, Özbegistandan, Gyrgyzystandan, Ermenistandan, Azerbaýjandan, Gruziýadan hem-de Gazagystandan türgenler gatnaşdylar.
Ýekedaban zyňmak boýunça ýaryşlara gatnaşan türkmen türgeni Mergen Mämmedowa taý tapylmady. Onuň zyňan ýekedabany 70 metre çenli baryp ýetdi. Munuň özi ýaryşyň kümüş medalynyň eýesi gazagystanly türgen Wadim Puntusyň görkezen netijesinden 20 metr çemesi kändir. Üçünji orny bolsa 39,93 metrlik netije bilen gazagystanly türgen Ýewgeniý Labutow eýeledi.
Umuman, Almaty Mergen Mämmedowyň sport ýoly üçin düşümli şäherleriň biri. Ol 2013-nji ýylda hut şu şäherde 74,01 metrlik netije bilen Türkmenistanyň rekordyny hem goýupdy.


15.09.2025 23:20
7.1k+

0,03 sekunt tapawut: Tokioda marafon boýunça dünýä çempiony fotofiniş arkaly kesgitlendi

Tokioda ýeňil atletika boýunça dünýä çempionatynda taryhda ilkinji gezek marafonyň ýeňijisi fotofinişiň kömegi bilen kesgitlendi. Dünýä çempiony Alfons Feliks Simbu (Tanzaniýa) we kümüş baýragyň eýesi Amanal Petros 42,195 km aralygy birmeňzeş wagtda – 2 sagat 9 minut 48 sekuntda ylgap geçdi...

14.09.2025 21:33
12k+

Türkmenistanyň Döwlet baýdagy Ýewropanyň iň beýik nokadyna galdyryldy

«Morinžgeologiýa» hyzmat kärhanalar toparynyň işgärleri Ýewropanyň iň beýik depeleri bolan Elbrus dagynyň günbatar we gündogar belentliklerine çykdylar. Bu belentliklerde alpinistler Türkmenistanyň Garaşsyzlygynyň 34 ýyllygynyň öňüsyrasynda Türkmenistanyň Döwlet baýdagyny galdyrdylar...

13.09.2025 18:02
6.2k+

Türkmen karateçileri Hytaýda Aziýa çempionatynda iki medal gazandylar

Türkmenistanly karateçiler 21 ýaşa çenli ýetginjekleriň we ýaşlaryň arasynda geçirilen 23-nji Aziýa çempionatynda iki sany bürünç medal gazandylar. Ýaryş Hytaýyň Guandun welaýatynyň şäher etrabynda geçirildi diýip, «Türkmenistan: Altyn Asyr» elektron neşiri habar berýär...

13.09.2025 17:21
6.2k+

Türkmen türgenleri Gresiýada geçirilýän jiu-jitsu boýunça çempionatda 8 altyn medal gazandylar

Türkmenistanyň jiu-jitsu boýunça milli ýygyndysy 11–14-nji sentýabr aralygynda Afinada geçirilýän 20-nji Balkan açyk çempionatynda uly üstünlik gazandylar. Ilkinji iki bäsleşik gününde milli ýygyndymyz 21 medal – 8 altyn, 6 kümüş we 7 bürünç medala mynasyp boldy...