Madridiň “Realynyň” düzüminde Çempionlar ligasynyň bäş gezek ýeňijisi Garet Beýl Britan imperiýasynyň ordenine mynasyp boldy. 33 ýaşly futbolçy dabaradan alnan suraty özüniň “Twitterdäki” sahypasynda ýerleşdirdi. Bu barada sportrbc.ru habar berýär.
Beýle baýragy Uels şazadasy William gowşurdy.
“Meniň üçin Uels şazadasyndan Britan imperiýasynyň ordenini almak uly hormat. Şeýle ajaýyp we ruhlandyryjy adamlar bilen gurşalan örän üýtgeşik säher” – diýip, Beýl ýazdy.
Beýl karýerasynyň dowamynda “Sautgempton”, “Tottenhem”, “Real” we “Los-Anjeles” üçin oýnady. Ol transfer bahasy 100 mln ýewro ýeten ilkinji oýunçy boldy. Ol hut şu mukdara 2013-nji ýylyň 1-nji sentýabrynda “Tottenhemden” “Reala” geçdi.
Beýl karýerasyndaky esasy üstünlikleri Madridiň kluby bilen gazandy – Çempionlar ligasynda bäş ýeňiş (2014, 2016, 2017, 2018, 2022), üç gezek Ispaniýanyň çempiony tituly (2017, 2020, 2022), iki UEFA-nyň Super kubogy (2014, 2017). Uelsiň milli ýygyndysy üçin Beýl 111 oýna gatnaşyp, 40 gol geçirdi. Görkezijileriň ikisi-de rekorddyr.
Beýl 2023-nji ýylyň ýanwar aýynda karýerasyny tamamlaýandygyny mälim etdi.
