Ahal welaýatyndan we Aşgabat şäherinden ýurdumyzyň uçurymlaryny Arkadag şäherine işe ýollamak göz öňünde tutulýar. Bu barada «Watan» habarlar gepleşiginde habar berildi.
Anna güni geçirilen Hökümet mejlisiniň barşynda wise-premýer N.Amannepesowyň habar berşi ýaly, häzirki wagtda Arkadag şäherine döwlet ähmiýetli şäher diýen aýratyn hukuk ýagdaýynyň berilmegi bilen, şäheriň edaralarynyň, guramalarynyň we kärhanalarynyň öňünde goýlan wezipeleri ýokary hilli amal etmek, işgärler köpçüliginiň üstüni yzygiderli ýetirmek maksady bilen, Ahal welaýatyndan we Aşgabat şäherinden ýurdumyzyň orta hünär we ýokary okuw mekdeplerini üstünlikli tamamlaýan uçurymlary Arkadag şäherine işe ýollamak göz öňünde tutulýar.
Şunuň bilen baglylykda, Prezident Serdar Berdimuhamedow mejlisiň barşynda Orta hünär we ýokary hünär bilimi edaralarynyň uçurymlaryny işe ýollamagyň Düzgünnamasyna üýtgetmeleri we goşmaçalaru girizmek hakynda resminama gol çekdi.
