Şwesiýanyň meşhur Koenigsegg giperkar öndürijisi duran ýeriňden 400 km/sag tizlige ýetmekde we soňra tormoz basyp doly durýança geçýän aralyk boýunça rekord goýandygyny görkezýän wideo çykardy. Diňe bir aý ozal bar bolan rekordy Rimac Nevera elektrik awtoulagy täzeläpdi, ondan öňki üstünligem Koenigsegg-e degişlidi.
Germaniýanyň Papenburg aýlawynda Rimac Nevera sagatda 0-dan 400 km tizlige ýetip, 29,94 sekuntda doly duralga geldi. Koenigsegg tarapyndan ýerleşdirilen wideo şol bir ýumşy 28,81 sekuntda edilýändigini görkezýär - bu bir sekuntdan gowrak çalt.
Rekord Koenigsegg Regera gibrid giperkarynda goýuldy. Onuň önümçiligi 2022-nji ýylda tamamlanypdy, kupe bäş litrlik V8 we umumy kuwwaty 1500 at güýji bolan üç sany elektrik hereketlendirijisi bilen enjamlaşdyryldy. Wideonyň teswirinde kompaniýa önümçilik hataryndan aýrylanyna esli wagt bolan awtoulagda täze rekord goýmak nämä gerek diýen sowaly berdi we sowalyna özi: "Sebäbi muny başarýar" diýip jogap berdi.
Koenigsegg Regera titul rekordyndan daşgary goşmaça sagatda 400 km (20,68 sekunt) tizlik bilen horwat bäsdeşini ýeňdi. Tizligi 250 mil / sag (402,3 km / sag) artdyrmak üçin Regera 21,35 sekunt gerek boldy. Ähli maglumatlar Racelogic ölçegleri bilen barlandy.
Kompaniýa bu giperkar modeliniň on ýyl ozal döredilendigini, emma henizem rekordlary goýmaga ukyplydygyny aýtdy.
