Tokioda geçirilen Olimpiýa oýunlarynyň kümüş baýrakçysy efiopiýaly Lameha Girma Brilliant ligasynyň Parižde geçirilen tapgyrynda 3000 m aralyga päsgelçilikli ylgamakda täze dünýä rekordyny goýdy. Ýaryş anna güni geçirildi diýip, TASS habar berýär.
Girma bu aralygy 7 minut 52,11 sekuntda geçdi. Öňki üstünlik 2004-nji ýylyň 3-nji sentýabrynda Katardan Saif Said Şahin tarapyndan goýlupdy (7.53,63).
Girma 22 ýaşynda. Ol 2021-nji ýylda Tokioda geçirilen Olimpiadada 3000 m aralyga päsgelçilikli ylgamakda kümüş baýrakçy boldy. Bu aralykda ol iki gezek dünýä çempionatlarynyň (2019, 2022) kümüş medallaryna-da eýe boldy.
