Tesla kompaniýasy her ýyl 375 müň Cybertruck pikapyny öndürmekçi bolýar diýip, kompaniýanyň üpjün edijilere iberen hatyna salgylanyp, “Electreck” ýazýar. Muny interfax.ru ýetirýär.
Tapgyrlaýyn önümçilikden öňki nusgalar awgust aýynyň ahyryna çenli peýda bolar. Kompaniýanyň ýolbaşçysy Ilon Mask Cybertruck-yň satuwynyň şu ýyl başlajakdygyny we ýylda 250-500 müň birlige barabar boljakdygyny habar beripdi. Üçünji çärýegiň ahyrynda üpjünçiligiň başlanmagyna bagyşlanan çäräniň geçirilmegine garaşylýar. Şol bir wagtyň özünde resmi taýdan önümçilik oktýabr aýynyň başyna meýilleşdirildi.
Analitikler önümçiligiň göwrüminiň 2024-nji ýylda 100 müň birlikden az boljakdygyny we 2027-nji ýyla çenli 240 müň birlige golaý boljakdygyny çaklaýarlar. Tesla Reservation Tracker çeşmesiniň maglumatlaryna görä, deslapky sargytlaryň sany 1,8 milliondan geçýär.
2019-njy ýylda hödürlenen Cybertruck Demirgazyk Amerikanyň bazaryna gönükdirilip, Tesla-nyň Ostin şäherindäki zawodynda öndüriler.
Kompaniýanyň paýnamalary penşenbe güni söwdada 5% gymmatlady. Ýylyň başyndan bäri kompaniýanyň kapitallaşdyrmasy 90,7%, 711,78 mlrd dollara çenli ýokarlandy.
