Italiýanyň Seriýa A ligasynyň baş direktory Luiji De Serwo liganyň daşary ýurtlarda täze ada eýe bolandygyny aýtdy. Bu ädim ýaryş brendiniň maýadarlar üçin has hem özüne çekiji bolmagy üçin çözgütler toplumyna gönükdirilendir diýip, gazeta.ru habar berýär.
“Biziň ligamyz “Seriýa A: Italiýada taýýarlanyldy” diýlip atlandyrylar. Biz halkara liderligi gaýtadan dikeltmek ýoluna başladyk. Biz – potensialy uly bolan, onlarça ýylyň dowamynda iň gowusy bolan liga.
Hawa, stadionlary kämilleşdirmeli, ýöne biziň şäherlerimiziň gözelligi we olaryň taryhy üýtgeşikdir. Bu ýönekeý bir liga däl, bu ýurt. Italiýa – futboldan daşary köp adamlaryň arzuwy” – diýip, “AS” De Serwonyň sözlerini getirýär.
Häzirki möwsümde birbada üç italýan kluby ýewrokuboklaryň finalyna çykdy. “Fiorentina” Konferensiýalar ligasynyň finalynda Angliýanyň “West Hem” toparyndan utuldy (1:2). “Roma” Ýewropa ligasynyň finalynda “Sewilýadan” utuldy.
10-njy iýunda “Inter” Çempionlar ligasynyň finalynda “Mançester Siti” bilen oýnar. Duşuşyk Stambulda geçiriler.
