Mary welaýat Enäniň we çaganyň saglygyny goraýyş merkeziniň lukmanlary 2023-nji ýylyň maý aýynyň 15-31-i aralygynda Owganystanyň Hyrat welaýatynyň Turgundy şäherçesinde owgan raýatlaryna bejeriş we maslahat beriş hyzmatlary ýerine ýetirildiler.
Türkmen lukmanlarynyň sapary hepdede 3 gün gurnalyp, maý aýynyň dowamynda jemi 9 günden ybarat boldy. Bu gysga döwürde lukmanlar jemi 473 sany zenanyň (şolardan 248-si göwreli zenanlar, 225-si ginekologiki näsag zenanlar) we 276 sany çaganyň (şolardan 43-si bäbeklik döwrindäkiler, 122-si 1-ýaşa çenli çagalar, 73-si 5-ýaşa çenli çagalar, 38-si 14-ýaşa çenli çagalar) saglygyna seretdiler. Şeýle-de 156 sany näsagy Ultrases barlagyndan geçirdiler. Lukmanlaryň bejeriş-maslahat beriş ýardamyny berýän döwründe jemi 12 sany çaga dünýä indi.
Owgan lukmanlary geljekde bu hyzmatdaşlygyň dowam etdirilmegine hem-de Turgundy şäherçesindäki çaga dogrulýan öýüniň lukmanlary üçin Türkmenistanda gysga wagtlyk okuw kurslarynyň hem gurnalmagyna uly gyzyklanma bildirýärler.
