ABŞ-nyň Milli awiasiýa we kosmos giňişligini öwreniş gullugynyň (NASA) başlygy Bill Nelson 2040-njy ýylda adamyň Marsa baryp biljekdigine ynanýar. Ol bu pikirini sişenbe güni Ispaniýanyň El Mundo gazetine beren interwýusynda aýtdy.
Ondan ilkinji adamlaryň haçan Marsa baryp biljekdigi soralanda: "2040-njy ýylda, bary-ýogy 17 ýyl galdy" - diýdi. Nelson: "Aýa ýetmek üçin üç-dört gün gerek, ýöne Mars has uzakda" - diýdi.
"Ol ýere barmak üçin ýedi-sekiz aý gerek bolar, bu ýagdaýda planetalaryň ýerleşýän ýerleri alty-sekiz aýda ýene yzyňa gaýdyp gelmäge mümkinçilik berýänçä, bir-iki ýyl ol ýerde galmaly bolar. Marsa gidýän adamlaryň ömrüni goramak üçin entek biz ýene köp zatlaryň üstünde işlemeli" diýip, ol sözüniň üstüni ýetirdi.
