Ýakyn wagtda türkmen halkynyň Milli Lideri, Türkmenistanyň Halk Maslahatynyň Başlygy Gurbanguly Berdimuhamedowyň Eýran Yslam Respublikasyna sapary meýilleşdirilýär. Bu barada Eýran Yslam Respublikasynyň Prezidenti Seýed Ebrahim Raisi Gurbanguly Berdimuhamedowa iberen hatynda aýdylýar.
Bellenilişi ýaly, bu saparyň dowamynda Tähranda geçiriljek duşuşykda syýasy, ykdysady, medeni ulgamlardaky hyzmatdaşlygyň dürli ugurlary ara alnyp maslahatlaşylar.
Şeýle hem Raisi hatynda Türkmenistanyň Konstitusiýasynyň we Döwlet baýdagynyň güni mynasybetli tüýs ýürekden gutlaglaryny, dostlukly hem-de doganlyk Türkmenistanyň mundan beýläk-de gülläp ösmegi baradaky iň gowy arzuwlaryny iberdi.
