Türkmenistanyň Prezidenti Serdar Berdimuhamedow azerbaýjanly kärdeşi Ilham Aliýewe Azerbaýjanyň Garaşsyzlyk güni mynasybetli gutlag hatyny iberdi.
"Sizi hem-de Azerbaýjanyň doganlyk halkyny Siziň ýurduňyzyň Garaşsyzlyk güni bilen tüýs ýürekden gutlaýaryn.
Bu günki gün Azerbaýjan Respublikasy depginli ösüş ýolundan ynamly öňe barýar, sebit hem halkara proseslerinde möhüm orun eýeleýär» - diýlip, Türkmenistanyň Prezidentiniň hatynda bellenilýär.
Serdar Berdimuhamedow soňky wagtlarda iki döwletiň özara gatnaşyklarynyň täze mazmuna eýe bolandygyny belläp, Türkmenistan bilen Azerbaýjanyň özara dostluk hem hoşniýetli goňşuçylyk gatnaşyklarynyň geljekde hem iki halkyň bähbidine ösdüriljekdigine ynam bildirdi.
