Türkmenistanyň futbol boýunça milli ýygyndysy şu ýylyň 10-20-nji iýuny aralygynda Daşkentde (Özbegistan) we Bişkekde (Gyrgyzystan) geçiriljek CAFA Nations Cup 2023 ýaryşynyň toparlaýyn tapgyrynyň çäklerinde garşydaşlaryny bildi.
Türkmenistanyň ýygyndysy Özbegistanyň, Omanyň we Täjigistanyň ýygyndylary bilen A topary emele getirdi. Duşuşyklar Daşkentde geçiriler.
Birinji oýnuny Türkmenistanyň ýygyndysy 11-nji iýunda Täjigistana garşy geçirer. Soňra 14-nji iýunda Oman bilen, 17-nji iýunda bolsa Özbegistan bilen duşuşar.
Şol bir wagtda Bişkekde B toparyň duşuşyklary geçiriler:
Gyrgyzystan — Owganystan, 10-njy iýun;
Eýran — Owganystan, 13-nji iýun;
Gyrgyzystan — Eýran, 16-njy iýun.
Düzgünnama laýyklykda, toparlaýyn tapgyrdaky duşuşyklar bir aýlaw görnüşinde geçiriler. Iki toparyň ýeňijileri finalda duşuşar. Öz toparynda ikinji orny eýelän ýygyndylar üçünji ýer üçin duşuşarlar.
