«Türkmenhowaýollary»Türkmenistandan üstaşyr geçýän Beýik Britaniýa bilen Wýetnamyň arasynda ilkinji ýük gatnawyny işe girizýär. Bu barada Beýik Britaniýa bilen Wýetnamyň bazarlaryna hyzmat etmeklige ýöriteleşýän TT Meridian halkara söwda-logistika kompaniýasy yglan etdi.
Wýetnam habarlar agentliginiň maglumatlaryna görä, kompaniýa ýük göterijiligi 30 tonna çenli bolan A330 uçarlaryny ulanýar.
TT Meridianyň türkmen awiagatnadyjylary tarapyndan ýerine ýetirilýän ýük gatnawlary Londonyň Stansted howa menzilinden her çarşenbe güni agşam uçurylar, soňra penşenbe güni irden Aşgabadyň howa menzilinden uçup, penşenbe güni gündiz Hanoýyň Noýbaý howa menziline gonar. Yzyna gatnaw wagt babatda uzagrak bolar — ol penşenbe güni agşam Hanoýdan uçup, Stansted howa menziline indiki hepdäniň çarşenbe güni irden geler (5-6 gün).
Bu ugur boýunça soňky birnäçe hepdede birnäçe synag uçuşlary ýerine ýetirildi.
