Daşary ýurtlarda ýaşaýan türk raýatlary 28-nji maýda geçiriljek prezident saýlawlarynyň ikinji tapgyrynda ses bermegi dowam etdirýär diýip, türk metbugatyna salgylanýan Trend habar berýär.
Daşary ýurt wekilhanalarynda we serhet nokatlarynda başlanan ses berişlige gatnaşan türk raýatlarynyň sany 1 milliondan geçdi. Daşary ýurt wekilhanalarynda ses berişlik 24-nji maýda tamamlanar.
Türkmenistanyň çäginde ýaşaýan türk raýatlary hem saýlawlarda ses bermäge gatnaşýarlar.
20-nji maýda ýerli wagt bilen 08:00-da daşary ýurt saýlawçylarynyň sanawynda bellige alnan saýlawçylar Türkiýäniň Aşgabatdaky ilçihanasynyň binasyna ses bermäge gelip başladylar.
Türkmenistany çäginde ses berişlik 22-nji maýda 20:00-a çenli dowam eder.
Belläp geçsek, prezidentlige dalaşgärleriň hiç biri hem 14-nji maýda Türkiýede geçirilen saýlawlarda 50%-den gowrak ses alyp bilmedi. Şonuň üçin 28-nji maýda saýlawlaryň ikinji tapgyry geçiriler.
