Halkara Pul Gaznasy (HPG) 2024-nji ýylda Türkmenistanyň harytlarynyň we hyzmatlarynyň eksportynyň 15,1 mlrd dollar bolmagyna garaşýar. Bu barada HPG-niň soňky sebitleýin ykdysady çaklamasyna salgylanyp, Trend habar berýär.
Maglumatlara görä, bu 2023-nji ýylda Türkmenistanyň harytlarynyň we hyzmatlarynyň eksportynyň çak edilýän mukdaryndan 3,2 göterim azdyr. HPG-niň çaklamasy boýunça, şu ýyl Türkmenistanyň harytlarynyň we hyzmatlarynyň eksporty 15,6 mlrd dollara barabar bolar.
Mundan başga-da, gaznanyň maglumatlaryna görä, Türkmenistanyň harytlarynyň we hyzmatlarynyň eksporty 2022-nji ýylda 15,6 mlrd dollar, 2021-nji ýylda 10,8 mlrd dollar, 2020-nji ýylda 7,9 mlrd dollar boldy.
Belläp geçsek, Halkara Pul Gaznasy BMG-niň dünýäde iň uly maliýe guramasy bolan ýöriteleşdirilen edarasydyr.
