Aşgabatda bilelikdäki türkmen-rus uniwersitetini döretmek taslamasy ylalaşyk tapgyrynda diýip, Russiýa Federasiýasynyň Daşary işler ministriniň orunbasary Mihail Galuzin Tomsk döwlet uniwersitetinde (TGU) geçirilen «Waldaý» halkara diskussiýa klubunyň üçünji Merkezi Aziýa konferensiýasynda aýtdy.
Mundan başga-da, Galuzin 2023-2024-nji okuw ýylynda Russiýanyň Merkezi Aziýa ýurtlaryndan gelýän talyplar üçin kwotalaryň sanyny artdyrjakdygyny aýtdy. Onuň sözlerine görä, häzirki wagtda bu sebitden takmynan 185 müň talyp Russiýa Federasiýasynda okaýar, olaryň 68 müň töweregi Russiýanyň býujeti tarapyndan maliýeleşdirilýär.
Mundan başga-da, Türkmenistanda, Gyrgyzystanda we Özbegistanda Russiýanyň öňdebaryjy uniwersitetleriniň şahamçalaryny açmak meýilleşdirilýär.
2022-nji ýylyň iýun aýynda Moskwada Prezident Serdar Berdimuhamedow bilen Wladimir Putiniň arasynda geçirilen gepleşiklerde bilelikdäki türkmen-rus uniwersitetini döretmek barada ylalaşyk gazanyldy.
Geçen ýylyň noýabr aýynda türkmen-rus uniwersitetiniň gurluşygyna 2023-nji ýylda Aşgabatda başlanyljakdygy mälim boldy.
