Iki agram kategoriýasynda Absolýut söweş çempionatynyň (UFC) öňki çempiony Konor Makgregor nokaut arkaly ýeňişleriniň sany boýunça promouşeniň rekordyny täzelejekdigini aýtdy. Muny rsport.ria.ru ýetirýär.
Belläp geçsek, geçen dynç günleri MMA-nyň amerikaly weterany Mett Braun Kurt Makgiden möhletinden ir üstün çykdy. Bu onuň nokaut arkaly gazanan 13-nji ýeňşidir we ol Braunyň watandaşy Derrik Lýuisiň hasaby bilen deňdir.
"Mett Braun 42 ýaşynda UFC-de nokaut sany boýunça birinji orny eýeleýär. Ol we "Wagşy" lakamly Lýuis deňleşdi. Häzirki wagtda meniň "UFC-de" sekiz nokautym bar, ýöne men 34 ýaşymda. Men bu rekordy täzelärin" - diýip, Makgregor sosial ulgamlarda ýazdy.
Braun irlandiýaly söweşijä söweşsiz öz üstünligini bermejekdigini aýtdy.
