Ýaşlaryň arasynda hukuk meselelerine bagyşlanan döredijilik bäsleşigi yglan edildi

  • 07.05.2023 13:56
  • 9k+

Türkmenistanyň hukuk goraýjy edaralarynda işleýän ýaş hünärmenleriň, hukuk hünäri boýunça okaýan talyplaryň ukyp-başarnyklaryny ýüze çykarmak we olaryň döredijiliklerini kämilleşdirmek maksady bilen döredijilik bäsleşigi yglan edildi.

Bäsleşigi «Adalat» gazetiniň redaksiýasy Türkmenistanyň Magtymguly adyndaky Ýaşlar guramasynyň Merkezi Geňeşi bilen bilelikde «Jan Watanym Türkmenistan!» ady bilen geçirýär. Bu barada bildiriş «Adalat» gazetinde çap edildi.
Bäsleşige ýaşy 35-e çeni bolan raýatlar gatnaşyp biler.
Bäsleşige ýurdumyzyň gazanan ösüşlerini, kanunçylygymyzdaky özgertmeleri wasp edýän şygyrlar, poemalar; milli ýörelgelerimiziň, däp-dessurlarymyzyň, kanunçylygymyzyň ähmiýetini wagyz edýän hekaýalar, nowellalar, liriki oýlanmalar we beýlekiler; dürli žanrdaky (publisistik, çeper publisistik) makalalar, oçerkler; hukuk temasynda düzülen krosswordlar; ýurdumyzyň ösüşlerini wagyz edýän fotokollažlar, çekilen surat eserleri ýaly döredijilik işleri kabul edilýär.
Gelip gowşan eserlere emin agzalary baha berer.
Bäsleşige hödürlenilýän eserler «Jan Watanym Türkmenistan!» atly döredijilik bäsleşigine» diýen bellik bilen «Adalat» gazetiniň redaksiýasyna iberilmeli.
Emin agzalary tarapyndan mynasyp hasaplanan eserler «Adalat» gazetinde çap ediler.
Bäsleşik 5-nji maýda başlandy. Onuň jemleri şu ýylyň sentýabr aýynda jemlener.
Ýeňijilere Hormat hatlary we gymmat bahaly sowgatlar gowşurylar.

Bäs­le­şi­ge ­hö­dür­len­ýän ­iş­le­ri ­şu­ sal­ga ­iber­me­li:­ Aş­ga­bat­ şä­he­ri, ­744604, ­Ga­raş­syz­lyk­ şa­ýo­ly, ­Türk­men­başy­nyň ­er­kin dö­re­di­ji­lik­ me­ka­ny,­«Ada­lat» ­ga­ze­ti­niň ­re­dak­si­ýa­sy.


düýn 18:22
950

Azerbaýjanda oktýabr aýynda Türkmenistanyň Medeniýet günleri geçiriler

2025-nji ýylyň oktýabr aýynda Azerbaýjanda Türkmenistanyň Medeniýet günleri geçiriler. Bu barada Trend agentligi habar berýär. Çäreler iki ýurduň arasyndaky ynsanperwer we medeni hyzmatdaşlygyň çäginde guralyp, halklaryň arasyndaky dostlugy hem-de özara düşünişmegi berkitmekde möhüm waka bolar...

düýn 10:44
4.6k+

Hökümet mejlisinde sentýabr aýynda geçiriljek dabaraly çäreleriň Tertibi maslahatlaşyldy

29-njy awgustda geçirilen Hökümet mejlisiniň barşynda wise-premýer B.Seýidowa şu ýylyň sentýabr aýynda maslahatlary, “tegelek stoluň” başyndaky söhbetdeşlikleri, sergileri, döredijilik duşuşyklaryny, wagyz-nesihat çärelerini, aýdym-sazly dabaralary geçirmegiň Tertibi barada aýtdy...

25.08.2025 15:49
2.6k+

Aşgabatda okuwçylaryň arasynda “Ozon we klimat” ylmy-döredijilik bäsleşigi yglan edildi

Türkmenistanda ozon gatlagyny goramagyň Halkara güni mynasybetli mekdep okuwçylarynyň arasynda “Ozon we klimat” atly ylmy-döredijilik bäsleşigi yglan edildi. Bäsleşigi “Ýaş tebigatçy” jemgyýetçilik guramasy BMG-niň Senagat Ösüşi boýunça guramasy (UNIDO) we BMG-niň Ösüş Maksatnamasy (BMGÖM) bilen bilelikde guraýar...

25.08.2025 07:29
11k+

Türkmenistanda hepdelik howa maglumaty (25.08 - 31.08)

Türkmenistanyň Daşky gurşawy goramak ministrliginiň Gidrometeorologiýa gullugy ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda az bulutly howa bolup, demirgazyk-günbatardan tizligi sekuntda 10 — 12 metrden 13 — 15 metre ýetýän şemal öwser...