«Arkadagly Ýaşlar» elektron žurnalynyň 4-nji sany çykdy

  • 07.05.2023 12:22
  • 6.8k+

Türkmenistanyň Magtymguly adyndaky Ýaşlar guramasynyň ýanyndaky «Arkadagly Ýaşlar» atly elektron žurnalynyň 2023-nji ýyldaky dördünji sany okyjylara ýetirildi.

Neşiriň täze sanynyň ilkinji sahypalarynda Türkmenistanyň Prezidentiniň enesi Ogulabat Berdimuhamedowa baradaky setirler hem-de şahyr Berdinazar Hudaýnazarowyň «Perzentlik aýdymy» atly şygry okyjylara ýetirilýär.
Žurnalyň täze sanynda Türkmenistanyň Halk Maslahatynyň Başlygy Gurbanguly Berdimuhamedowyň ýolbaşçylygynda 20-nji aprelde geçirilen taryhy mejlisden gelip çykýan wezipelere bagyşlanyp «Milli demokratik ýörelgelerimize ygrarly ýaşlar» atly makala ýerleşdirilipdir.
«Sagdyn hem salamat boluň! Päklikden alamatdan boluň!» atly şahyrana sözbaşyly makala 7-nji aprelde bellenilen Bütindünýä saglyk gününe bagyşlanýar. Neşiriň täze sanynda Oraza aýyna we onuň müň bir gijeden sogaply Gadyr gijesine bagyşlanan makala hem orun berlipdir. «Bilimli ýaşlar ― beýik we şöhratly geljek» atly makalada milli jemgyýetimizde ýaşlaryň orny barada pikir ýöredilýär.
Neşiriň sahypalaryndaky milli mirasymyzda keşdeçilik sungatynyň ornuna, milli binagärlik sungatymyzyň aýratynlyklaryna (iňlis dilinde), akyldar şahyrymyz Magtymguly Pyragynyň döredijilik dünýäsine bagyşlanan makalalar hem juda täsirli çykypdyr. Öz işiniň ussadyna öwrülen harby gullukçy zenan bilen söhbetdeşligi žurnalyň şu sanynyň iň bir özüne çekiji çykyşlarynyň hataryna goşup bolar. Rus dilinde paýlaşylan başga bir makala bolsa sanly ykdysadyýetiň ähmiýetine bagyşlanypdyr.
Žurnal täze sanynda gopuz saz guralyna we milli çeperçilik sungatymyza (rus dilinde) bagyşlanan täsirli makalalary gün-günden sany artýan okyjylary bilen paýlaşýar. «Küştüň goşa lälesi» atly uly göwrümli makala bolsa, abraýly halkara ýaryşlaryň birnäçesiniň çempionlary ― doganlar Lala we Leýla Şöhradowalaryň sport ýoluna bagyşlanypdyr.
«Kalbymyň söýesi Watan» atly çeper oýlanma hem, «Bäş arslanyň obasy» atly taryhy makala hem, aýdymçy Döwran Şammyýew bilen söhbetdeşlik hem okyjylary özüne çekse gerek. Harby psihologyň gündeliginden alnan «Kitap ― kämillige ýol» atly gündelik ýazgylary žurnalyň täze sanyndaky özüne çekiji çykyşlaryň biri bolupdyr.
Bütindünýä saglyk güni bilen bagly iňlis dilinde taýýarlanylna makala we «Futbol filosofiýasy» atly çykyş okyjylary sportuň täsin dünýäsine syýahata alyp gider. Iňlis dilindäki makalalaryň ýene birinde dynç alyş wagtyňy netijeli geçirmegiň ýollary salgy berilýär. «Welosiped» atly hekaýa, şahyrlar Gurbannazar Ezizowyň, Kerim Gurbannepesowyň we Çary Ýegenmyradowyň şygyrlarynyň iňlis dilindäki terjimesi hem-de žurnalyň şygryýet sahypasy okyjylaryň nazaryny özünde eglär.
Neşir täze sanynyň ahyrky sahypalarynda täsinlikler dünýäsine syýahata alyp gidýär. «Bereketli türkmen saçagy» atly kitapdan ýagly petiriň taýýarlanylyşy barada alnan setirler öý bikelerine peýdaly bolup biler. Žurnal däbine eýerip, «Ýaş waspçy» atly bäsleşigiň täze ýeňijisini hem tanyşdyrýar. Şahyr Gurbannazar Ezizowyň «Ýazlarym» atly şygry bilen jemlenilýän žurnal görnükli we owadan suratlar bilen özüne çekýär.


24.10.2025 11:22
5k+

Türkmenistanda Gurbannazar Ezizowyň doglan gününiň 85 ýyllygy belleniler

Noýabr aýynda Türkmenistanyň halk ýazyjysy, Magtymguly adyndaky döwlet baýragynyň eýesi Gurbannazar Ezizowyň doglan gününiň 85 ýyllygy mynasybetli aýdym-sazly dabara guralar. Bu barada 23-nji oktýabrda wise-premýer B...

23.10.2025 11:51
3.6k+

Rimde Kapitoliý muzeýinde ilkinji gezek «Türkmenistanyň gadymy siwilizasiýalary» atly sergi geçiriler

2025-nji ýylyň 25-nji oktýabryndan 2026-njy ýylyň 12-nji apreli aralygynda Rim şäherindäki Kapitoliý muzeýiniň Palazzo dei Conservatori zallarynda «Türkmenistanyň gadymy siwilizasiýalary» atly sergi geçiriler. Italiýaly tomaşaçylara ilkinji gezek Margiana we Parfiýa gadymy medeniýetleriniň arheologik tapyndylary görkeziler...

21.10.2025 10:54
2.9k+

“Mahabat” müdirligi «Meniň oýnum» atly täze multfilm çykardy

Ýakynda “Mahabat” müdirligi Mämmetjanyň başdan geçirmeleri dogrusynda gürrüň berýän multfilmiň «Meniň oýnum» atly täze bölümini halk köpçüligine ýetirdi. Multfilmi döretmek üçin döredijilik toparynyň eden yhlasy onuň täsirli sahnalarynda, gahrymanlaryň gyzykly gürrüňlerinde hem-de hereketlerinde, şeýle hem olaryň ýatda galyjy seslendirmelerinde has-da aýdyň görünýär...

20.10.2025 10:01
7k+

Türkmenistanda hepdelik howa maglumaty (20.10 - 26.10)

Türkmenistanyň Daşky gurşawy goramak ministrliginiň Gidrometeorologiýa baradaky gullugynyň ýurdumyzda şu hepdäniň dowamynda boljak howanyň ýagdaýy barada maglumat berdi. Aşgabatda üýtgäp durýan bulutly howa bolup, gündogardan demirgazyk-günbatara ugruny üýtgedýän, tizligi sekuntda 9 — 12 metrden 13 — 15 metre ýetýän şemal öwser...