Serdar Berdimuhamedow Patyşa Karl III-ä Täç geýdirmek dabarasyna gatnaşdy

  • 06.05.2023 20:12
  • 45k+

Şu gün, 6-njy maýda Londonda iş saparynda bolýan Prezident Serdar Berdimuhamedow Beýik Britaniýanyň we Demirgazyk Irlandiýanyň Birleşen Patyşalygynyň Patyşasy Karl III we onuň Şazenan maşgalasyna Täç geýdirmek dabarasyna gatnaşdy.

Günüň birinji ýarymynda döwlet Baştutany çäräniň geçýän ýerine -- Westminster Abbatlygynyň ýanynda ýerleşýän we diňe bir Londonyň iň iri buthanasy bolman, eýsem, ýurduň döwlet durmuşynyň hem merkezi bolan «Church House» maslahatlar merkezine ugrady.
Däp bolşy ýaly, Täç geýdirmek dabarasy Westminster Abbatlygynda geçirildi.
Beýik Britaniýa öz Patyşalaryna Täç geýdirýän Ýewropada ýeke-täk ýurtdur. Täç geýdirmek dabarasynda patyşa häkimiýetiniň nyşanlary bolan Täje we skipetre aýratyn orun degişlidir. Olaryň her biri Patyşanyň eýeleýän ornunyň we onuň borçlarynyň aýratyn ugurlaryny alamatlandyrýar.
Mälim bolşy ýaly, Britan Patyşalaryna Täç geýdirmek däbi 1000 ýyldan gowrak bäri dowam edýär. Ilkinji Täç geýdirmek dabarasy 1066-njy ýylda boldy. Täç geýdirmek dabarasy buthana dabarasy bolup, onda Beýik Britaniýanyň Patyşasyna ýa-da Şazenanyna resmi taýdan Täç geýdirilýär. Täç geýdirmek dabarasyndan öňürti, Londonyň Sent-Jeýms köşgünde tagty miras almak boýunça Geňeş ady bilen belli bolan dabara edarasynyň öňünde Patyşa hukuk taýdan yglan edilýär. Bu çäräniň esasy bölekleri müň ýylyň dowamynda üýtgemedi diýen ýalydyr.
Şu gezekki resmi çäre bellenen wagtda Bukingem köşgünden Westminster Abbatlygyna çenli dabaraly ýöriş bilen başlady.
Dabaranyň dowamynda täze Britan Patyşasy “halka” tanyşdyryldy. Kenterberi arhiýepiskopy Karl III-ni Patyşa diýip yglan etdi we bu ýere ýygnananlardan ony sarpalamagy we oňa wepaly gulluk etmäge wada bermegi haýyş etdi.
Patyşa  kasamy ýerine ýetirilenden soňra, arhiýepiskop iňlis buthanasynyň baştutany hökmünde Patyşanyň derejesini alamatlandyrýan däbi ýerine ýetirdi.
Soňra Britan Patyşasyna Patyşa Häkimiýetiniň nyşanlary gowşuryldy.
Soňra arhiýepiskop Patyşa Karl III Mukaddes  Eduardyň Täjini geýdirdi.
Patyşa Karl III-ä wepalylyk baradaky kasam aýdylandan soňra, Şazenan Kamillany tagta oturtmak dabarasy boldy. 
Soňra Patyşa we onuň Şazenan maşgalasy Bukingem Köşgüne ugradylar.   
Täç geýdirmek dabarasy tamamlanandan soňra, Serdar Berdimuhamedow «The Biltmore Mayfair» myhmanhanasynda ýerleşýän kabulhanasyna ugrady. 
Günüň ikinji ýarymynda Serdar Berdimuhamedow Birmingem  şäheriniň halkara howa menzilinden ýurdumyza ugrady.


düýn 16:22
2.3k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
1.9k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
4.8k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
10k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...