Serdar Berdimuhamedow Karl III-ä Täç geýdirmek dabarasyna gatnaşmak üçin Londona bardy

  • 06.05.2023 00:37
  • 40k+

5-nji maýda Prezidentimiz Serdar Berdimuhamedow iňlis tarapynyň çagyrmagy boýunça Beýik Britaniýanyň we Demirgazyk Irlandiýanyň Birleşen Patyşalygynyň Patyşasy Karl III hem-de  onuň Şazenan maşgalasyna Täç geýdirmek dabarasyna gatnaşmak üçin iş sapary bilen Londona bardy.

Birnäçe sagatdan soň, Serdar Berdimuhamedowyň uçary London şäheriniň “Stansted” Halkara howa menzilinde gondy.
Uçaryň ýanynda döwlet Baştutanyny Beýik Britaniýanyň Patyşalygynyň ýörite wekili Çarlz Hendri,  Beýik Britaniýanyň Premýer-ministriniň Türkmenistan boýunça söwda wekili baronessa Emma Nikolson we beýleki resmi adamlar mähirli garşyladylar.
Howa menzilinden Prezident Serdar Berdimuhamedowyň awtoulag kerweni sapar mahalynda özi üçin niýetlenilen - kaşaň “The Biltmore Mayfair” myhmanhanasynda ýerleşýän rezidensiýa tarap ugrady.
Günüň ikinji ýarymynda döwlet Baştutanymyz dostlukly ýurduň Bukingem köşgüne tarap ugrady.
Köşgüň merkezi girelgesiniň ýanynda hormatly Prezidentimiz Serdar Berdimuhamedowy Beýik Britaniýanyň Patyşasynyň protokol gullugynyň ýolbaşçysy garşylady we uly dabarlar otagyna geçmäge çagyrdy.
Beýik Britaniýa we Demirgazyk Irlandiýanyň Birleşen Patyşalygynyň Patyşasy Karl III  we onuň Şazenan maşgalasyna Täç geýdirmek dabarasy mynasybetli resmi kabul etmek çäresi başlamazdan öňürti, Prezident Serdar Berdimuhamedow  olary bu dabara bilen gutlady hem-de iň gowy arzuwlaryny aýtdy.
Bu çäre tamamlanandan soň, hormatly Prezidentimiz Serdar Berdimuhamedow “The Biltmore Maýfair” myhmanhanasynda sapar mahaly özi üçin niýetlenen kabulhanasyna tarap ugrady.


düýn 16:22
2.1k+

Merkezi Aziýa döwletleriniň ilçileri Türkmenistanyň Yslamabatdaky ilçihanasynda teglek stol geçirdiler

26-njy awgustda Türkmenistanyň Pakistan Yslam Respublikasyndaky (Yslamabat şäheri) ilçihanasynda BMG-niň Deňze çykalgasy bolmadyk ösüp barýan döwletler boýunça üçünji maslahatynyň netijelerine bagyşlanan tegelek stol maslahaty geçirildi...

düýn 16:18
1.7k+

Türkmenistanyň ilçisiniň Irlandiýa iş saparyny amala aşyrdy

25-nji awgustda Türkmenistanyň Irlandiýadaky ilçisi Ýa.Serýaýew (oturýan ýeri London ş.) Dublin şäherine iş saparyny amala aşyrdy. Bu barada Türkmenistanyň DIM-niň saýtynda habar berilýär. Saparyň dowamynda ilçi Irlandiýanyň Daşary işler we söwda ministrliginiň Protokol bölüminiň başlygynyň orunbasary Ralf Wiktor bilen duşuşdy we ynanç hatynyň nusgalaryny gowşurdy...

düýn 15:41
4.6k+

Moskwada Raşid Meredowyň we Sergeý Lawrowyň duşuşygy geçirildi

28-nji awgustda Moskwada Türkmenistanyň daşary işler ministri Raşid Meredow bilen Russiýa Federasiýasynyň daşary işler ministri Sergeý Lawrowyň arasynda duşuşyk geçirildi. Daşary syýasat edaralarynyň ýolbaşçylary çuňňur strategik hyzmatdaşlygyň ýörelgelerine esaslanýan döwletara dialogyň netijeli häsiýetini kanagatlanma bilen bellediler...

28.08.2025 17:40
9.9k+

Aşgabatda Ankara köçesiniň durkuny täzelemek boýunça tender yglan edildi

Türkmenistanyň Gurluşyk we binagärlik ministrligi Aşgabatda Ankara köçesiniň durkuny täzelemek boýunça halkara bäsleşik yglan etdi. Bu barada «Türkmenistan» gazetinde habar berilýär. Gyzyklanma bildirýän kompaniýalaryň we guramalaryň teklipleri bellenilen tertipde kabul edilýär...