2023-nji ýylyň 5-nji maýynda Aşgabat şäherinde S.Türkmenbaşy şaýolunyň 81-nji jaýynda ýerleşýän Türkmenistanyň Senagatçylar we telekeçiler partiýasynyň edara-binasynda sagat 09:00-dan 12:00-a çenli aralykda boş iş orunlarynyň ilata hödürleniş çäresi geçiriler.
Bu çäräni Aşgabat şäheriniň Zähmet we ilatyň iş bilen üpjünçiligi müdirligi, Berkararlyk etrabynyň Zähmet we ilatyň iş bilen üpjünçiligi bölümi hem-de Türkmenistanyň Senagatçylar we telekeçiler partiýasynyň Aşgabat şäher komiteti bilen bilelikde geçirýär diýip, «Aşgabat» gazeti habar berýär.
Kärhanalar, guramalar, edaralar hem-de hususy telekeçiler özlerindäki boş iş orunlary baradaky maglumatlary bilen bilelikde agzalan çärä wekilleriniň gatnaşmaklaryny üpjün ederler.
Işe ýerleşmek isleýän raýatlar ýany bilen şahsyýetini tassyklaýan resminamasyny, eger bar bolsa, zähmet depderçesini hem-de hünärini tassyklaýan resminamasyny alyp gelmeli.
Habarlaşmak üçin salgylar we telefonlar:
- Aşgabat şäheriniň Zähmet we ilatyň iş bilen üpjünçiligi müdirliginiň ilatyň iş bilen üpjünçiligi bölümi, Seýitnazar Seýdi köçesiniň 3-nji jaýy, tel: 92-14-56
- Bagtyýarlyk etrabynyň Bekrewe köçesiniň 25-nji jaýy, tel: 37-46-68
- Berkararlyk etrabynyň Bekrewe köçesiniň 25-nji jaýy, tel: 37-46-67
- Büzmeýin etrabynyň Oguzhan köçesiniň 8-nji jaýy, tel: 33-12-69
- Köpetdag etrabynyň Seýitnazar Seýdi köçesiniň 3-nji jaýy, tel: 92-15-26
- Türkmenistanyň Senagatçylar we telekeçiler partiýasy, S.Türkmenbaşy şaýolunyň 81-nji jaýy, tel: 22-74-07.
