Amerikanyň IBM korporasiýasy ýakyn ýyllarda emeli aň bilen çalşyrylyp bilinjek işgärleriň işe alynmagyny togtatmagy meýilleşdirýär. Bu barada baş direktor Arwind Krişna aýtdy diýip, Bloomberg habar berýär.
Onuň sözlerine görä, emeli aň korporasiýada takmynan 7,8 müň işgäri çalşyp biler. Krişna, şol sanda işgärler bölümindäki ýerlere işgär almak togtadylar diýdi.
Krişna müşderiler bilen işlemek bilen baglanyşykly bolmadyk wezipelerde takmynan 26 000 işgäriň bardygyny aýtdy.
"Munuň 30% -iniň bäş ýylyň içinde emeli aň bilen çalşyljakdygyny aňsatlyk bilen göz öňüne getirip bilerin" - diýip, ol nygtady.
IBM-тiň ýolbaşçysynyň düşündirişine görä, işe kabul etmegiň tassyklaýyş hatlaryny bermek ýa-da işgärleri bölümden bölüme geçirmek ýaly adaty işleri ýerine ýetirmek doly awtomatlaşdyrylsa gerek. Şeýle-de bolsa, işçi güýjüniň düzümine we öndürijiligine baha bermek ýaly, işgärler bölüminiň ýerine ýetirýän käbir wezipeleri ýakyn on ýylda çalşylmaz diýip, Krişna sözüniň üstüni ýetirdi.
