Türkmen türgenleri 1-14-nji maýda Daşkentde (Özbegistanda) geçiriljek boks boýunça dünýä çempionatynda çykyş ederler. 14 adamdan, şol sanda 10 sany türgenden ybarat wekiliýet ýurdumyza wekilçilik eder.
ORIENT agentliginiň Türkmenistanyň boks federasiýasyna salgylanyp habar bermegine görä, ýygyndynyň düzümine şular girdi: Yhlas Gylyçjanow, Daýanç Annaseýidow, Döwlet Muhanow, Şükür Öwezow, Hursand Imankuliýew, Saparmyrat Ödäýew, Baýramdurdy Nurmuhamedow, Muhammet babaýew, Taganmyrat Gurbanow, Baky Toýçyýew.
Türgenler Nurmyrat Gurbanmyradowyň hem-de onuň kömekçileri Tanilnek Jumakulowyň we Ýazmuhammet Ýazzyýewiň ýolbaşçylygynda çykyş ederler.
Dünýä çempionatynyň öň ýanynda türkmen ýygyndysy Daşkentde 18-nji aprelde badalga alan okuw türgenleşiklerine gatnaşdylar
Özbegistanyň paýtagtynda geçýän dünýä çempionaty 65 döwletden 300 türgeni jemlär. Olar 13 sany agram derejesinde medallar ugrunda bäsleşerler.
Çempionatyň baýrak gaznasy ABŞ-nyň 5 200 000 dollary. Ýeňijiler 200 müň dollar alar, kümüş baýrakçylar — 100 müň dollardan, bürünç medalçylar bolsa — 50 müň dollardan alarlar.
