Ýaponiýanyň Türkmenistandaky ilçihanasy türkmen talyplaryny daşary ýurt raýatlary üçin aşakdaky talyp hakly maksatnamalaryna gatnaşmaga çagyrýar.
Arzalar 2023-nji ýylyň 31-nji maýyna çenli tabşyrylmaly.
1. Gözlegçi-talyp (aspirantura derejesi) (arzalary bermegiň aňrybaş möhleti: 2023-nji ýylyň 31-nji maýy)
• Gatnaşmaga hukugy bar: 1989-njy ýylyň 2-nji aprelinde ýa-da şondan soň doglan şahslar (şu ýyl okuwy gutaranlary hem goşmak bilen).
• Mazmuny: Ýaponiýada alty aýlyk ýapon dili taýýarlyk kursuny tamamlandan soň (diňe ýapon dilini bilmek talap edilýänler üçin), bu maksatnama ýazylan adamlar ýöriteleşdirilen aspirantura bilimini alarlar.
• Okuwyň möhleti: adatça 2 ýyl (ýapon dilini öwrenmek boýunça taýynlyk döwrüniň 6 aýyny goşmak bilen)
Degişli resminamalar bilen şu ýerde tanşyp bilersiňiz.
Ýazmaça synagy 18-nji iýunda (ýekşenbe) geçirmek meýilleşdirilýär (ýeri entek kesgitlenmedi).
2. Talyp (bakalawr derejesi) (arzalary bermegiň soňky möhleti: 2023-nji ýylyň 31-nji maýy)
• Gatnaşmaga hukugy bar: 1999-njy ýylyň 2-nji aprelinde ýa-da şondan soň doglan, 12 ýyllyk orta bilim okuwyny gutaran ýa-da orta mekdebiň maksatmasyny tamamlan adamlar (şu ýyl okuwy gutaranlary hem goşmak bilen).
• Mazmuny: Şu Maksatnama boýunça okuwa kabul edilenler uniwersitete girmezden ozal Ýaponiýada 1 ýyllyk ýapon dili taýýarlygyny geçerler (Tokionyň Daşary ýurt dilleri uniwersitetiniň we Osakanyň Daşary ýurt dilleri uniwersitetiniň Daşary ýurtly talyplar üçin ýapon dili okuw merkezinde) we ony gutarandan soň, ýokary okuw mekdebine girerler.
• Okuwyň möhleti: 5 ýyl (lukmançylyk, stomatologiýa, weterinariýa ýa-da dermanhana hünäri boýunça okaýan talyplar üçin 7 ýyl).
Degişli resminamalar bilen şu ýerde tanşyp bilersiňiz.
Ýazmaça synagy 18-nji iýunda (ýekşenbe) geçirmek meýilleşdirilýär (ýeri entek kesgitlenmedi).
3. Tehnologiýa kollejiniň talyby (hünär mekdebiniň derejesi) (arzalary bermegiň möhleti: 2023-nji ýylyň 31-nji maýy)
• Gatnaşmaga hukugy bar: Esasan, 1999-njy ýylyň 2-nji aprelinde ýa-da şondan soň doglanlar, 11 ýyllyk orta bilim okuwyny gutaranlar (şu ýyl okuwy gutaranlary hem goşmak bilen).
• Mazmuny: Ýaponiýada ýapon diliniň taýýarlyk okuwynyň 1-nji ýylyny tamamlandan soň, bu Maksatnama kabul edilen adamlar Tehnologiýa kollejiniň üçünji ýylyna geçerler we 3 ýyllyk ýörite bilim alarlar. Ähli sapaklar ýapon dilinde geçiriler.
• Okuwyň möhleti: 4 ýyl (Ýaponiýa gelen badyna ýapon dilini öwrenmek üçin 1 ýyl taýýarlyk döwri goşmak bilen). Ýöne, "Söwda gämisi" hünärini saýlanlar üçin okuwyň möhleti 4 ýyl 6 aý bolar.
• Hünärler: Siz aşakdaky sekiz ugurdan birini saýlap bilersiňiz: (1) Mehanika, (2) Elektrik, elektronika, (3) Maglumat we aragatnaşyk ulgamlary, (4) Materiallar, (5) Binagärlik, (6) Gurluşyk, (7) Söwda gämisi, (8) Beýlekiler.
• (8) “Beýlekileri” saýlanyňyzda, “Maglumat dolandyryş inženerçiligi” we şuňa meňzeş hünärlerde ýokary okuw mekdebini tapmak kyn bolup biler (mysal üçin, şeýle okuw mekdebiniň ýoklugy we ş.m.): “Maglumat dolandyryş inženerçiligi” we beýlekileri saýlaňyzda (1) -den (7)-ä çenli aralygy almagyňyzy haýyş edýäris..
Degişli resminamalar bilen şu ýerde tanşyp bilersiňiz.
Ýazmaça synagy 18-nji iýunda (ýekşenbe) geçirmek meýilleşdirilýär (ýeri entek kesgitlenmedi).
4. Ýöriteleşdirilen mugallymçylyk kollejiniň talyby (ýöriteleşdirilen mugallymçylyk kollejiniň derejesi) (arzalary bermegiň aňrybaş möhleti: 2023-nji ýylyň 31-nji maýy)
• Gatnaşmaga hukugy bar: Esasan 1999-njy ýylyň 2-nji aprelinde ýa-da şondan soň doglanlar, 12 ýyllyk orta bilim okuwyny gutaranlar (şu ýyl okuwy gutaranlary hem goşmak bilen).
• Mazmuny: Ýaponiýada ýapon diliniň taýýarlyk okuwynyň 1-nji ýylyny tamamlandan soň, bu Maksatnama kabul edilen adamlar ýöriteleşdirilen kollejde ýöriteleşdirilen kurslara girerler we 2 ýyl ýöriteleşdirilen bilim alarlar. Ähli sapaklar ýapon dilinde geçiriler.
• Okuwyň möhleti: 3 ýyl (Ýaponiýa gelen badyna ýapon dilini öwretmek üçin 1 ýyl taýýarlyk döwri goşmak bilen).
• Hünärler: Aşakdaky 6 hünärden birini saýlap bilersiňiz.
(1) Senagat, (2) Arassaçylyk, (3) Bilim we sosial üpjünçilik, (4) Söwda, (5) Egin-eşik, şaý-sepler we öý ykdysadyýeti, (6) Medeniýet we bilim.
Ähli soraglar boýunça 477081/477082 belgili telefon ýa-da jp-embassy@ah.mofa.go.jp elektron salgy arkaly Ýaponiýanyň Aşgabatdaky ilçihanasyna ýüz tutmagyňyzy haýyş edýäris.
