Türkmenistanyň 2024-nji ýyl üçin Döwlet býujetiniň taslamasyny taýýarlamak boýunça işler alnyp barylýar. Baş maliýe meýilnamasyny «Türkmenistanyň Prezidentiniň ýurdumyzy 2022 — 2028-nji ýyllarda durmuş-ykdysady taýdan ösdürmegiň Maksatnamasyndan» garaşylýan hasaplama görkezijilerinden ugur alyp taýýarlamak göz öňünde tutulýar. Bu barada wise-premýer H.Geldimyradow anna güni Hökümet mejlisiniň barşynda habar berdi.
Bellenilişi ýaly, resminamada Döwlet býujetini düzmek üçin ministrlikler, pudaklaýyn dolandyryş edaralary we häkimlikler tarapyndan berilmäge degişli hasabatlary, maglumatlary taýýarlamagyň tertibidir möhletleri kesgitleniler.
Serdar Berdimuhamedow hasabaty diňläp, geljek ýyl üçin Döwlet býujetiniň taslamasy işlenip taýýarlanylanda, ýurdumyzyň durnukly makroykdysady ýagdaýyny saklamak, ykdysadyýetiň ähli pudaklaryny mundan beýläk-de okgunly ösdürmek ýaly wajyp wezipelerden ugur alynmalydygyny nygtady.
