Türkiýäniň daşary ýurtlardaky raýatlary üçin Prezident saýlawlarynda ses bermeklik başlandy

  • 27.04.2023 16:18
  • 33k+

Şu gün, 27-nji aprelde Türkiýäniň Prezidentiniň we Mejlisiniň täze düzüminiň saýlawlarynda daşary ýurtlarda we serhet nokatlarynda ses bermeklik başlandy. Bu barada TRT teleýaýlymy habar berdi.

Merkezi saýlaw toparynyň ozalky kararyna laýyklykda, 75 ýurtda 156 saýlaw uçastogy açyldy. Olar türk diplomatik wekilhanalarynda ýerleşýär. Serhet nokatlarynda, gury ýerdäki gözegçilik nokatlarynda, howa menzillerinde we respublikanyň deňiz portlarynda daşary ýurda gidýänleriň islegini beýan etmek üçin 4,6 müň nokat döredildi. Umuman alanyňda, 3,6 milliondan gowrak raýat Türkiýäniň daşynda ses berip biler.
Daşary ýurtlarda we serhet gözegçilik nokatlarynda ses berişlik 9-njy maýa çenli dowam eder, şondan soň ähli býulletenler sanalar we Merkezi saýlaw toparyna iberiler. Saýlaw uçastoklary syýahat edýänler we respublikanyň daşyndakylar üçin gije-gündiziň dowamynda açyk bolar. Häzirki saýlawlarda ilkinji gezek 277 000-den gowrak türk daşary ýurtda ses berip biler.
Merkezi saýlaw toparynyň habaryna görä, 14-nji maýda geçiriljek saýlawlara 64 million türk raýaty gatnaşyp biler. Ýurduň içinde we daşary ýurtlarda jemi 191 884 saýlaw gutusy gurlar.
Prezident saýlawlaryna dört dalaşgär gatnaşýar.


23.06.2025 16:32
7.3k+

YHG-nyň DIM-niň geňeşinde Türkmenistanyň başlangyjy bilen bitaraplyk syýasatynyň orny hakynda kararnama biragyzdan kabul edildi

21-22-nji iýunda Türkmenistanyň wekiliýeti Stambulda geçirilen Yslam Hyzmatdaşlyk Guramasynyň Daşary işler ministrleriniň geňeşiniň mejlisine gatnaşdy. Duşuşykda syýasy, ykdysady, medeni-ynsanperwer we ylmy ugurlary öz içine alýan möhüm meseleler boýunça pikir alyşmalar geçirildi...

14.06.2025 10:43
1.6k+

Türkiýede Türkmenistanyň eksport harytlarynyň sergisi geçiriler

Tür­ki­ýe Res­pub­li­ka­syn­da Türk­me­nis­ta­nyň eks­port ha­ryt­la­ry­nyň ser­gi­si­ni ge­çir­mä­ge taý­ýar­lyk görülýär. Anna güni wise-premýer N.Ata­gu­ly­ýew sergä görülýän iş­le­ri ba­ra­da ha­sa­bat ber­di...

05.06.2025 11:39
5.3k+

Serdar Berdimuhamedow Koreýa Respublikasynyň saýlanan Prezidentini gutlady

Prezident Serdar Berdimuhamedow Li Çže Mýona Koreýa Respublikasynyň Prezident saýlawlarynda ýeňiş gazanmagy mynasybetli tüýs ýürekden gutlaglaryny iberdi. Döwlet Baştutany gutlag hatynda Koreýa Respublikasy bilen ýola goýlan netijeli gatnaşyklara ýokary baha berip, özara bähbitli hyzmatdaşlygy mundan beýläk-de ösdürmek boýunça bilelikde tagalla etmäge taýýardygyny tassyklady...

04.06.2025 13:47
6.6k+

Günorta Koreýanyň täze Prezidenti demokrat Li Çže Mýon boldy

Oppozision Demokratik partiýadan dalaşgär Li Çže Mýon Günorta Koreýanyň Prezidentiniň saýlawlarynda ýeňiş gazandy. Ol 49%-den gowrak ses aldy diýip, Bi-bi-si habar berýär. Onuň esasy garşydaşy – “Halkyň güýji” dolandyryjy partiýasyndan dalaşgär Kim Mun Su 41% ses alyp, ýeňlendigini boýun aldy we ýeňijini gutlady...