Jo Baýden 2024-nji ýylda geçiriljek ABŞ-nyň prezident saýlawlaryna täze möhlete dalaş etjekdigini resmi taýdan yglan etdi. Bu barada TASS habar berýär.
“Her bir nesliň demokratiýany goramaly pursaty bolýar. Ine, şonuň üçinem men prezident ýaryşyna gatnaşýaryn. Haçan-da dört ýyl mundan ozal men prezidentlige dalaş edenimde, men Amerikanyň ruhy üçin söweşýändigimizi aýtdym we biz häzirem söweşýäris” – diýip, häzirki lider sişenbe güni Twitter sahypasynda ýerleşdirilen wideo ýüzlenmesinde aýtdy.
ABŞ-nyň häzirki wise-prezidenti Kamala Harris hem 2024-nji ýylyň saýlawlaryna Jo Baýden bilen bilelikde gatnaşmaga taýýardygyny mälim etdi. Syýasatçy bu barada öz Twitter sahypasynda habar berdi.
“Amerikalylar hökmünde biz erkinlige ynanýarys – biz demokratiýamyzyň onuň üçin söweşmäge näderejede güýçli taýýar bolsak, şonuň ýaly güýçli boljakdygyna ynanýarys. Ine, şonuň üçin Jo Baýden we men gaýtadan saýlanmak üçin öz dalaşgärlimizi hödürleýäris” – diýip, Harris amerikalylara ýüzlenmesinde aýtdy.
Baýden gaýtadan saýlanan ýagdaýynda 82 ýaşynda ABŞ-nyň prezident wezipesinde ikinji möhletine başlar.
